نئين سنڌ جو خواب - عبدالله مورائي

نئين سنڌ جو خواب

عبدالله مورائي

ڪنهن سياڻي جو چوڻ آهي ته خواب لفظن جي صورت اختيار ڪندا آهن ۽ اهي لفظ وري حقيقتن تي ٻڌل عملن ڏانهن وڌندا آهن. انڊيا جي اڳوڻي صدر ۽ ائٽمي سائنسدان عبدالڪلام جي چوڻي مشھور آهي ته خواب اهي ناهن جيڪي اگهور ننڊ ۾ ڏٺا وڃن پر اصل خواب اهي آهن جيڪي ننڊ ڪرڻ نه ڏين. خير پاڻ وٽ ماڻهن جون ننڊون ته اڳئي حرام آهن، ڇاڪاڻ ته بجلي به اڄڪلهه وڏو خواب آهي. ٻيا به انيڪ خواب آهن جيڪي ڏسي سگهجن ٿا انهن هيٺين خوابن يا سڀني شين تي عمل ڪرڻ سان يقينن عوام کي ڪجهه رليف ملندو ۽ وڌندڙ بيچيني گهٽ ٿيندي. هر هڪ کي خواب ڏسڻ جو پورو پورو حق آهي.

بحرين جون بي باڪ شامون - فهيم اختر ميمڻ

بحرين جون بي باڪ شامون

فهيم اختر ميمڻ

دمام ۾ نوڪريءَ دوران، ڪيترا ئي ڀيرا، بحرين گھمڻ جو خيال آيو. ڪيئي ڀيرا پروگرام به ٺهيو ٿَي، پر موڪلن جو ڪجھ اهڙو سلسلو رهيو جو بحرين گھمڻ جي ڪا واٽَ نظر نه ٿي آئي. حالانڪ دمام کان بحرين آهي به مُني ڪلاڪ جي پنڌ تي. روڊ ذريعي پنهنجي گاڏيءَ تي وڃڻ به آسان آهي ته  ٻه ٽي سو ريالَ اوٽ موٽ ڀاڙَي تي بَسون ۽ ٽيڪسيون به هلنديون آهن. جيڪي چيڪ پوسٽ ۽ ويزا جي چڪرن کي ڪڍي ڪري اڌ ڪلاڪ ۾ بحرين پڄايو ڇڏين. سعودي عرب جي الڳ چيڪ پوسٽ آهي ته بحرين جي الڳ، جتي وري ويزا به ان ئي وقت پاسپورٽ تي پنجاھ ريالن جي عيوض اسٽيمپ ڪيو ويندو آهي. سالياني موڪل تي گھر کان سواءِ ٻي ڪا واٽ نظر نه ايندي هئي.