مارئيءَ جي ملڪ ۾
(ٿر جو سفرنامو)
عبدالستار لغاري
ھن سال
مُلڪ جي اترئين علائقن ۾ گھمڻ کانپوءِ شوق جاڳيو ته ڇو نه ٿر جو به پروگرام ٺاھجي،
ان خيال کان دل ۾ ھڪ آس جاڳي ته جيڪر ٿر ۾ برساتون گھڻيون پون ته گھمڻ جو مزو ٻيڻو
ٿي وڃي. پر افسوس ٿر ۾ گھٽ برساتون پيون ۽ سخت مايوسي ٿي. ھڪ ڏينھن سوشل ميڊيا تي
ھڪ پوسٽ نظر آئي، جنھن مطابق ڪجھ دوست ھڪ قافلو ٿر جي ٻن ڏينھن جي ٽوئر تي وٺي وڃڻ
چاھين پيا. مون پنھنجي دوستن محمد اسماعيل لغاري ۽ عبدالرزاق لغاري کي آگاھ ڪيو ۽
پوءِ اسان ٽنھي ٿر جي ٻن ڏينھن جي لاءِ سيٽون بڪ ڪرايون. ٻن ڏينھن جي سفر ۾ مختلف
شعبن سان تعلق رکندڙ نوان دوست مليا، جن ۾ گھڻن جو تعلق تعليم کاتي سان ھو. پنجين سيپٽمبر
۲۰۲۶ع تي سفر حيدرآباد کان شروع ٿيو، جنھن ۾ اسان ٽنڊي الھيار ۾ شامل ٿياسين.
